راح تندم
راح تتعب وانت ما حصلت مثلـي......في شعوري في حناني في اشتياقي
حتى لو حبيت ميه شخص قبلـي......ما تلاقي في حنانـي مـا تلاقـي
انا حبي غير مـن قلبـي وعقلـي......انا حبي شكل ثاني حـب راقـي
وكنت اقول اني بحبك صرت مبلي......وكنت اقول ارجوك لا تطلق وثاقي
الصراحه عشت فيك ايام جهلـي......حتى صدقك كان مره في مذاقـي
مات وردك وسط ريضاني ورملي......كان فيـك بخيـر ياغـدار هاقـي
انا مدري ليـه ماقـدرت عدلـي......وانا كنت ابني على قلبك رواقـي
وانا مدري ليه ما شديـت حبلـي......قبل ما تغرق بوسط اليـم ساقـي
وانا لوقلبي بكـل الشـوق مملـي......ما بقاله من سهم غـدرك بواقـي
يا جروحي لو نزفتـي دم لجلـي......افتحـي بالله فـي قلبـي سواقـي
واجرحي قلبي وصبي فيه واملـي......لين يبقاء الدم دون القلـب واقـي
اتركيني خلي الاشـواق واسلـي......ما ترك فيني رمـادك لاحتراقـي
راح تندم وانت ماحصلـت مثلـي......ما تلاقي في حنانـي مـا تلاقـي
للشاعر: نايف بن تركي
اتمنى ان تنال رضاكم
السبت مايو 31, 2008 7:51 am
