القلب يعشق طيف منهو يوده **** والعين عقب الشوف تطلب وصاله
الحب يقرع في سماه ويمده *** باغلى مشاعر تملكه له لحاله
ياناس منهو يشبه باهي خده **** متميز<ن> في هيئته وطلت جماله
إن جا منه الصد ياماحلا صده **** كنه يقول أهلين انساك إستحاله
لامال عوده كنك تشوف ورده **** تلعب بها نسمة هوا رقص تخاله
لو يطلب عيوني حشا ما أرده **** قلبي وعمري وكل كلي حلاله
أحضن خياله واحس يدي بيده **** أسكن بقلبه وامتلك فكره خياله
أشتاق في قربه وعنده وبعده **** طيفه ببالي وادري إني بباله
برخي حبال الحب لاشفت شده **** وبشد حبله لاشفت منه ارتخاله
ببقى على طول العمر للي أوده **** أغرق واذوب في بحر حبه ودلاله