حبست الدمع للشاعرة جنون الشعر

حَبست الدَمع في جَفنٍ .. رَحيقـه راحـة الأوراق/ يبللـهـا بِكلمـاتـه.. و يمسحـهـا بمنديـلـه و يبكي كِثر ما قِلنا .. بَكى مِن شوقـه الحـراق/ متى يا ناكر العشره.. بتفهـم بـس و تجـي لـه تِذوق مِن عَنا أيامه .. ترى حتـى العَنـا أذواق/ و حَظه كانِ مِتخـاذل .. يِذَللنـي و يعطـي لـه تِعَلم إننـي أعطـي .. كريمـه أمنـح الأشـواق/ خَذا روحـي و لا همـه.. يموتنـي بِكـل ليلـه أنا حُبه هَلكني لين .. ملكنـي هـم مـا ينطـاق/ و لا حسيـت الا الـود .. بروحـي تـم تعطيلـه فقدت احساسي الجارف و لا عاود بي الإشـراق/ اشوفـه معتـمٍ ذاوي .. كــلامٍ تَــمِ تأويـلـه فَرحت و زادت الفرحه .. بَعد ما ضاقـت الآفـاق/ و افنيت الهـوى منـي .. و ميلتـه بِكـل ميلـه بِعيني غابت الدمعة .. و ذابت نظـرة الإشفـاق/ تِعلم قَلبـي القسـوة .. يحـط الحُـب و يشيلـه يِعلي به مِثل نَجمـة ..و ينهـر لونهـا البَـراق/ و يسحقها بلا رحمة .. بعـد مـا صابهـا سيلـه تِغير كِلِ ما فيني .. و حتى الخيـر منـي ضـاق/ "اسيرة بعالـمٍ حالـك" .. حـروفٍ جرهـا ذيلـه نَسَجها فوق مِنظاري .. بَعدها لي حروفه سـاق/ يحاول ياخِذ بيدي .. يبي كِلـي أنـا أشكـي لـه خلاص اليوم أنا حُره ..و لا لي شـي بِالعشـاق/ و لا لي عاشقٍ حالم .. اسولف له .. و اغني لـه و لا ظِن الهوى يصحى .. و أحس بلهفة المشتاق/ يناديني تعالي لي .. و أنـا بروحـي أنـادي لـه و إذا حسيت بِاللهفة ترى هـم للهـوى أسـواق/ و بَدفع مثل كِل واحد .. غرامـه زاد مـن ويلـه حَبست الدَمع في جَفنٍ .. رَحيقـه راحـة الأوراق/ يبللـهـا بِكلمـاتـه.. و يمسحـهـا بمنديـلـه و يبكي كِثر ما قِلنا .. بَكى مِن شوقـه الحـراق/ همايـل هَلّهـا قلبـه .. خفاهـا العشـق ليـلـه

طــــــــــــــــــرح متميـــــــــــــــز